చైత్రమాసంలోని శుక్లపక్ష నవమి తిథినే భగవాన్ శ్రీరాముడి జన్మోత్సవంగా జరుపుకుంటారు.ఈసారి తిథి రెండు రోజులకు రావటంతో ప్రజల్లో రామనవమి ఎప్పుడు జరుపుకోవాలనే సందేహం ఉంది. ఆధ్యాత్మిక విశ్వాసం ప్రకారం, శ్రీరాముడు మధ్యాహ్న సమయంలో జన్మించినందున 26 మార్చి 2026న రామనవమి జరుపుకోవడం ఎక్కువ శుభంగా భావిస్తున్నారు. శ్రీరాముడు మధ్యాహ్న సమయం (అభిజిత్ లగ్నం)లో జన్మించాడనే అంశానికి సంబంధించి మనకు ప్రధానంగా వాల్మీకి రామాయణం మరియు పురాణాలలో స్పష్టమైన ఆధారాలు ఉన్నాయి.
వాల్మీకి రామాయణం (బాలకాండ):
అన్నిటికంటే ముఖ్యమైన మరియు ప్రామాణికమైన ఆధారం వాల్మీకి మహర్షి రాసిన రామాయణంలోని బాలకాండ, 18వ సర్గ.
శ్లోకం:
"తతశ్చ ద్వాదశే మాసే చైత్రే నావమికే తిథౌ |
నక్షత్రేఽదితిదైవత్యే స్వోచ్చసంస్థేషు పంచసు ||
గ్రహేషు కర్కటే లగ్నే వాక్పతావిందునా సహ |"
అర్థం: చైత్ర మాసం, శుక్ల పక్షం, నవమి తిథి నాడు.. పునర్వసు నక్షత్రంలో, ఐదు గ్రహాలు ఉచ్చ స్థితిలో ఉన్నప్పుడు, కర్కాటక లగ్నంలో సూర్యుడు నెత్తిమీద ఉన్నప్పుడు (అంటే మధ్యాహ్నం) రాముడు జన్మించాడు. సూర్యుడు సరిగ్గా నెత్తిమీద ఉండే సమయాన్ని 'అభిజిత్ ముహూర్తం' అంటారు, ఇది మధ్యాహ్నం 12 గంటల సమయం.
రామచరితమానస్ (తులసీదాస్) :
గోస్వామి తులసీదాస్ రచించిన రామచరితమానస్లో శ్రీరామ జన్మ ఘట్టాన్ని చాలా స్పష్టంగా వివరించారు.
చౌపాయ్:
"నౌమీ తిథి మధు మాస పునీతా | సుకల పచ్ఛ అభిజిత్ హరి ప్రీతా ||
మధ్య దివస అతి సీత న ఘామా | పావన కాల లోక బిశ్రామా ||"
అర్థం: పవిత్రమైన చైత్ర మాసం, శుక్ల పక్ష నవమి తిథి, హరికి ఇష్టమైన అభిజిత్ ముహూర్తం (మధ్యాహ్నం) నాడు ప్రభువు జన్మించారు. ఆ సమయంలో ఎండ మరీ ఎక్కువగా లేదు, చలి కూడా లేదు, గాలి ఎంతో హాయిగా వీచింది.
పురాణాలు :
పద్మ పురాణం మరియు బ్రహ్మపురాణం వంటి గ్రంథాలలో కూడా రాముని వంశానుక్రమం మరియు జన్మ వృత్తాంతం వివరించబడింది. సూర్యవంశపు రాజు కాబట్టి, సూర్యుడు అత్యంత శక్తివంతంగా ఉండే మధ్యాహ్న సమయంలోనే రాముడు ఉదయించాడని ఈ పురాణాలు చెబుతాయి.
అయితే ఉదయ తిథి ప్రకారం, కొందరు 27 మార్చిన కూడా రామనవమి జరుపుకోవాలని చెబుతున్నారు. ఈ రోజున అనేక ముఖ్యమైన జ్యోతిష్య యోగాలు ఏర్పడుతున్నాయి, అందువల్ల దీని ప్రాముఖ్యత ముఖ్యత మరింత పెరుగుతోంది.
ఆ రోజున గ్రహాల స్థితి కూడా ప్రత్యేకంగా ఉండబోతోందట. శుక్ర గ్రహం మేష రాశిలోకి ప్రవేశిస్తాడు. గురు మరియు చంద్రుడు కలిసి గజకేసరి యోగాన్ని ఏర్పరుస్తారు. ఇంకా గురు మరియు మంగళ గ్రహాల సంయోగంతో నవపంచమ రాజయోగం ఏర్పడుతుంది. అదేవిధంగా కొన్ని రాశుల్లో త్రిగ్రహి యోగం కూడా ఏర్పడుతోంది. ఈ అన్ని యోగాల ప్రభావం వివిధ రాశులపై కనిపిస్తుంది.
రామనవమిఏరాశులకుశుభం
ఈసారి రామనవమి ముఖ్యంగా మేష, వృషభ మరియు కన్య రాశి వారికి లాభదాయకంగా ఉండవచ్చు. ఈ రాశి వారికి చాలా కాలంగా ఉన్న సమస్యల నుంచి ఉపశమనం లభించవచ్చు మరియు జీవితంలో ఆనందం పెరుగుతుంది. కుటుంబంలో జరుగుతున్న విభేదాలు తొలగిపోవచ్చు. సంబంధాలలో మాధుర్యం పెరుగుతుంది. ఉద్యోగంలో మీ పనికి ప్రశంసలు లభించవచ్చు, దాంతో ప్రమోషన్ లేదా కొత్త బాధ్యతలు వచ్చే అవకాశముంది. వ్యాపారంలో కూడా మంచి లాభాలు పొందే అవకాశం ఉంది. ఆర్థిక స్థితి బలపడవచ్చు మరియు పాత అప్పుల నుంచి విముక్తి పొందవచ్చు. అదనంగా మిథున, కుంభ, తుల, మకర మరియు సింహ రాశి వారికి కూడా కొన్ని సానుకూల ఫలితాలు లభించవచ్చు. వృశ్చిక మరియు మీన రాశి వారు కొంత జాగ్రత్తగా ఉండాలి, ముఖ్యంగా ఆరోగ్య విషయాల్లో అయితే పనులపై దీని ప్రభావం ఎక్కువగా ప్రతికూలంగా ఉండదు.
ఈ రోజున భగవాన్ శ్రీరాముడి కృప పొందాలనుకుంటే కొన్ని సరళమైన పరిహారాలు చేయవచ్చు. రామచరితమానస్ బాలకాండ పఠనం చేయడం శుభంగా భావిస్తారు. తులసి ఆకులతో చేసిన మాలను శ్రీరాముడికి సమర్పించండి.
హనుమాన్ చాలీసా పఠనం చేయడం ద్వారా కూడా సానుకూల ఫలితాలు పొందవచ్చు.
అయోధ్య వంటి క్షేత్రాలలో శతాబ్దాలుగా వస్తున్న సంప్రదాయం ప్రకారం, మధ్యాహ్నం 12 గంటలకే 'రామజన్మోత్సవం' నిర్వహించడం ఒక జీవన సాక్ష్యం.
