విజయవాడ , మే 26: సాంప్రదాయ వైద్యం, ప్రకృతి సిద్ధమైన ఆరోగ్య సంరక్షణలో ప్రపంచ దేశాలకు మార్గదర్శిగా నిలుస్తున్న భారతదేశం.. గ్లోబల్ వెల్నెస్ మార్కెట్లో తన ముద్రను మరింత బలాపేతం చేసే దిశగా ఒక కీలకమైన అడుగు వేసింది. దేశీయ సాంప్రదాయ వైద్య విధానాలను, మేలైన భారతీయ సుగంధ ద్రవ్యాలను అంతర్జాతీయ వేదికలపై మేళవించే లక్ష్యంతో ఆయుష్ ఎక్స్పోర్ట్ ప్రమోషన్ కౌన్సిల్ (AYUSHEXCIL), భారత స్పైసెస్ బోర్డ్ చేతులు కలిపాయి. కేంద్ర ఆయుష్ మంత్రిత్వ శాఖ, ఆరోగ్య మరియు కుటుంబ సంక్షేమ శాఖ సహాయ మంత్రి ప్రతాపరావ్ జాదవ్ సమక్షంలో ఇరు సంస్థల మధ్య ఒక చారిత్రాత్మక అవగాహన ఒప్పందం (MoU) కుదిరింది.
ఈ భాగస్వామ్యం కేవలం రెండు రంగాల కలయిక మాత్రమే కాదని, గ్లోబల్ మార్కెట్లో ‘మేడ్ ఇన్ ఇండియా’ బ్రాండ్ను సరికొత్త శిఖరాలకు తీసుకెళ్లే వ్యూహాత్మక చర్య అని విశ్లేషకులు భావిస్తున్నారు. ఆయుషెక్సిల్ ఛైర్మన్ డాక్టర్ అనురాగ్ శర్మ, స్పైసెస్ బోర్డ్ కార్యదర్శి ఎం. ఎస్. మణివన్నన్ (IAS) ఈ ఒప్పంద పత్రాలపై సంతకాలు చేశారు.
ఆయుర్వేదం, సుగంధ ద్రవ్యాల కలయిక: ‘స్పేస్ అండ్ హీల్’ సరికొత్త బ్రాండింగ్
శతాబ్దాలుగా భారతదేశంలో ఆయుర్వేదం, సుగంధ ద్రవ్యాలు కేవలం ఆహారంలో భాగాలుగానే కాకుండా నివారణ ఆరోగ్య సంరక్షణకు, సమతుల్య జీవన విధానానికి ప్రతీకలుగా నిలిచాయి. ఈ సుదీర్ఘ సాంప్రదాయ వారసత్వాన్ని ఆధునిక అంతర్జాతీయ ప్రమాణాలకు అనుగుణంగా ప్రపంచవ్యాప్తం చేయడమే ఈ ఒప్పందం యొక్క ముఖ్య ఉద్దేశం. ఇందులో భాగంగానే ప్రతిష్టాత్మకంగా ముందుకు తెచ్చిన “స్పేస్ అండ్ హీల్” (Spice and Heal) సరికొత్త బ్రాండింగ్ ప్రచారంగా రూపాంతరం చెందనుంది.
ప్రకృతి సిద్ధమైన వైద్యం, సంపూర్ణ ఆరోగ్యాన్ని కోరుకునే అంతర్జాతీయ వినియోగదారులకు భారతదేశాన్ని ఒక ప్రధాన కేంద్రంగా (గ్లోబల్ లీడర్) నిలబెట్టేందుకు ఈ ప్రచారం ఎంతగానో దోహదపడనుంది. వ్యూహాత్మక భాగస్వామ్యం ద్వారా అంతర్జాతీయ మార్కెట్లలో భారతీయ ఉత్పత్తుల పరపతి మరింత పెరగనుంది.
నాణ్యత, శాస్త్రీయ గుర్తింపుతో అంతర్జాతీయ మార్కెట్లలోకి ప్రవేశం
ప్రపంచ వ్యాప్తంగా హెర్బల్, వెల్నెస్ ఉత్పత్తులకు డిమాండ్ పెరుగుతున్న నేపథ్యంలో.. నాణ్యత, నమ్మకసత్యాలే పరమావధిగా ఈ కూటమి పనిచేయనుంది. క్వాలిటీ ఎన్హాన్స్మెంట్ (నాణ్యతా ప్రమాణాల పెంపు), ట్రేసబిలిటీ (ఉత్పత్తి మూలాల గుర్తింపు), శాస్త్రీయ గుర్తింపు (సైంటిఫిక్ వాలిడేషన్) వంటి కీలక అంశాలపై ఇరు సంస్థలు ప్రత్యేక దృష్టి సారించనున్నాయి. ముఖ్యంగా ఫంక్షనల్ ఫుడ్స్, న్యూట్రాస్యూటికల్స్, హెర్బల్ ఎక్స్ట్రాక్ట్స్, విలువ ఆధారిత ఆయుర్వేద-సుగంధ ద్రవ్యాల ఉత్పత్తుల ఎగుమతులను ప్రోత్సహించడానికి ఈ ఒప్పందం రహదారిగా మారనుంది. అంతర్జాతీయ ప్రమాణాల సంస్థ అయిన ‘కోడెక్స్’ (Codex) నిబంధనలకు అనుగుణంగా ఉత్పత్తులను తీర్చిదిద్దడం, అంతర్జాతీయ వాణిజ్య ప్రదర్శనల్లో సంయుక్తంగా పాల్గొనడం వంటి చర్యల ద్వారా ప్రపంచ మార్కెట్లలో భారత్ తన స్థానాన్ని సుస్థిరం చేసుకోనుంది.
గ్రామీణ ఆర్థిక వ్యవస్థకు ఊతం: రైతులకు, స్టార్టప్లకు సరికొత్త అవకాశాలు
ఈ చారిత్రాత్మక భాగస్వామ్యం కేవలం ఎగుమతులకే పరిమితం కాకుండా దేశీయంగా పెద్ద ఎత్తున సామాజిక, ఆర్థిక మార్పులకు కారణం కానుంది. కేంద్ర ప్రభుత్వం ప్రతిష్టాత్మకంగా భావిస్తున్న ఆత్మనిర్భర్ భారత్, వోకల్ ఫర్ లోకల్, మేక్ ఇన్ ఇండియా, హీల్ ఇన్ ఇండియా వంటి సంకల్పాలకు ఈ నిర్ణయం పూర్తి బలాన్ని చేకూరుస్తుంది. గ్రామీణ ప్రాంతాల్లో ఉపాధి కల్పన, రైతు సాధికారత, సూక్ష్మ, చిన్న, మధ్య తరహా పరిశ్రమల (MSMEలు) బలోపేతానికి ఇది ఎంతగానో తోడ్పడుతుంది. ముఖ్యంగా యువ ఆవిష్కర్తలు, స్టార్టప్లు, మహిళా పారిశ్రామికవేత్తలకు అంతర్జాతీయ వాణిజ్యంలో కొత్త తలుపులు తెరుచుకోనున్నాయి. సాంప్రదాయ జ్ఞానాన్ని ఆర్థిక ప్రగతికి చోదక శక్తిగా మార్చాలన్న ప్రధానమంత్రి నరేంద్ర మోదీ దార్శనికతకు అద్దం పడుతూ, దేశ ప్రగతిలో ఈ వెల్నెస్ ఎకానమీ ఒక ముఖ్యమైన మైలురాయిగా నిలవబోతోంది.
Keywords: Indian traditional wellness exports, Ayurveda and Indian spices global market, Ministry of Ayush latest news, Prataprao Jadhav Ayush Minister, భారతీయ సుగంధ ద్రవ్యాల ఎగుమతులు, ఆయుర్వేద ఉత్పత్తుల అంతర్జాతీయ మార్కెట్, AYUSHEXCIL Spices Board MoU, Ayush and Spices Board Agreement, Spice and Heal Initiative India, ఆయుషెక్సిల్ స్పైసెస్ బోర్డ్ ఒప్పందం, స్పేస్ అండ్ హీల్ ప్రాజెక్ట్
